Baráttan mikla

2005-10-27T21:00:00.000Z

Smá flutningar í gangi, þrátt fyrir leiðinda blikk auglýsingar á central.is þá er ýmislegt sem er spennandi þar. Please fallow me ;)
http://blog.central.is/kiloinburt//index.php

2005-10-27T08:39:00.000Z

Jamm og já, þetta er bara mjög fínt alltsaman og á réttri leið, hugarfarið spillir ekki fyrir heldur. Ég sat sem límd yfir Sirrí í gær og horfði á glæsiskvísurnar þar ...ekkert smá flottar og duglegar. Mjög hvetjandi að sjá þennan þátt.

Ég er enn að bögglast við ísgerð ...sem bara gengur ekki nógu vel. Unitið sem fer í frystinn virðist bara ekki vera nógu kalt eða eitthvað ...samt er um -20 gráður í frystinum hjá mér og ég fer eftir leiðbeiningunum í bæklingnum. Ég bjó til óhollustuís í gær úr sýrðum rjóma, smá matreiðslurjómi, léttmjólk og piparmyntusúkkulaði...ekki handa mér samt. Ég smakkaði samt eins og samsvarar 1 msk af honum. Ég bjó hann til fyrir strákana mína sem hafa beðið spenntir síðan vélin var keypt. Ég hef ekki snert sælgæti né bakkelsi þó þetta sé allt til á heimilinu ;)

Í gærkvöldi var mér svo boðið í mat sem var kannski ekki alveg ddv vænn, borðaði hann samt og minn grænmetisskammt líka :þ Held að það hafi ekki komið að sök.

Bumbuskvísa: Ég var ekki viss með hádegisbrauðið í fyrradag þar sem ég fæ mér það brauð venjulega í kaffitímanum en svo fékk ég mér gerbollu, hélt kannski að það væri of mikill brauðskammtur að borða 60 g af brauði og gerbollu á sama degi. Þarf sko að skella mér á fund ;)

Matseðill gærdagsins:
MM: 30 g fittýbrauð með logl, sykurlausri sultu og 15 g ostur, glas af appelsínusafa og te.
Hádegismatur: 200 g grænmetissúpa og 2 harðsoðin egg útí, tómatur og babycarrots til að fylla grænmetisskammtinn.
Kaffitími: 20 g fittýbrauð, logl, 10 g ostur og sykurl. sulta, ein appelsína. Fljótlega eftir það fékk ég mér 1 epli.
Kvöldmatur: Mússaka a la mamma, 300 g. grænmeti. Sleppti eiginlega öllum kartöflunum í þessum rétti.
KH: 150 g jarðaber og 1 léttjógúrt, smá strásæta.

ps. vigtin er á réttri leið :þ

2005-10-26T09:24:00.000Z

Þá er þriðji í ddv hafinn og allt gengur stórvel, mér finnst þetta skemmtilegt :) Vigtin var líka stórskemmtileg í morgun en þið fáið ekkert að vita fyrr en á mánudag! Ég prófaði að baka svona gerbollu en hún varð eitthvað klesst, sennilega vegna þess að ég var að vandræðast með gerið. Hvernig ger eruð þið að nota? Ég notaði svona ger í þunnum pökkum og það eru 11.8 gr. af geri í pakkanum og venjulega notar maður einn pakka á móti einu kílói af hveiti. Mér finnst svo mikið að nota 5 gr. af geri á móti 35 g. af hveiti ....er það ekki svolítið mikið? En hún bragðaðist ágætlega ;)
Svo var tilraun tvö í ísgerð sem heppnaðist betur en fyrri daginn, ekki nógu vel samt, er sennilega ekki nógu þolinmóð við þetta.

Matseðill gærdagsins var svona:

MM: 30 g. fittýbrauð, logl, 15 g. ostur, 1 glas appelsínusafi.
HM: 400 g. grænmetissúpa, 120 g. fiskur
KT: 1 gerbolla, 1 kaffibolli
KM: 120 g. grísakjöt, 300 g grænmeti.
KH: ís krap og 10 vínber.
Svo borðaði ég líka yfir daginn 1 epli og 1 banana.

2005-10-25T10:00:00.000Z

Jæja, þá er fyrsti official ddv dagurinn minn liðinn og hann gekk bara mjög vel...fyrir utan að í gærmorgun var ekki mikið til í ískápnum....ekki einusinni einn einasti ávöxtur til á heimilinu en ég fór út fyrir hádegi og verslaði alveg helling. Og eitt stk. ísvél :þ Skálinni var strax skellt í frystinn svo hún yrði reddí fyrir kvöldið.
Á eftir geri ég mér grænmetissúpuna góðu, og hlakka bara til að halda áfram.
Vigtarhel***** sýndi þá hörmulegu tölu 93,2 ....ég sem sá þessa tölu síðast fyrir næstum ári síðan og ætlaði aldrei að sjá hana aftur.

Matseðill gærdagsins var svona:

MM: 30 g. ristuð brauðsneið með smá l og l, 15 g ostur og ca 1 tsk sykurlaus sulta, te
Hádegismatur: 300 g grænmeti, ca. 50 g. kjúklingur ( var með meira á disknum en hann var svo vondur að ég gat ekki klárað hann, keypti svona grænmetisbox sem maður velur sér í :/ ) Smá pasta og fetaost. Veit ekki alveg vigtina á þessun en þetta voru kannski svona 10 pastaskrúfur.
Kaffitími: 30 g fittýbrauð með 10 g osti og 1 tsk sykurlaus sulta, te ...svo á svipuðum tíma borðaði ég 1 banana og svo seinna 1 appelsínu.
Kvöldmatur 120 g ýsa og 300 g grænmeti
Kvöldhressing: íslap ....já íslap þar sem ívélin var ekki nógu frosin til að klára að frysta ísinn minn sem var gerður úr létt ab mjólk, sýrðum rjóma, fjörmjólk, jarðaberjum og sætuefni :(

Gengur betur í dag vonandi ....á alveg von á því að þetta sé kannski ekki alveg nákvæmt svona fyrst. Þetta lærist og svo þegar maður mætir á fundi þá lærist hellingur líka.

2005-10-23T21:04:00.000Z

Á morgun ætla ég að byrja á þeim danska þó svo ég komist ekki á fund strax, stefni samt að því svo maður hafi eitthvað aðhald. Ætla að draga einhvern með mér. Á enn eftir að finna einhvern sem nennir ;) Reyni líka að skrifa oftar hér inn og kíkja á ykkur skvísur ;)

2005-10-15T08:20:00.000Z

Ég er ekki alveg byrjuð á þessum danska, fer á djammið í kvöld og það má víst ekki drekka áfengi í ddv svo ég byrja eftir helgina væntanlega. En ég hef svona aðeins verið að fá sjmörþefinn af honum og slefa yfir gúmolaðinu hjá SuperS ;) *öfund* Ekkert smá flottur árangur hjá þér skvísa.

Ég þarf að tékka á fundunum, hvenær þeir eru. Hef ekki haft tíma til þess því það hefur verið svo geðveikt mikið að gera. Það minnkar vonandi eftir helgina.

Góða helgi gellur! :)

2005-10-13T18:36:00.000Z

Í dag hef ég að mestu farið eftir þeim danska, hefði nú viljað fara á fundi en það verður að bíða betri tíma. Ég eldaði þessa flottu grænmetissúpu sem er rosalega góð, nema þá kannski útaf piparnum sem ég missti ofaní og nennti ekki að veiða uppúr, pínu sterk :þ En mjög góð. Eldaði stóran skammt af henni og í hádeginu borðaði ég 400 gr. af henni auk þess sem ég skar ca 100 gr kjúklingabita ofaní. Svo borðaði ég eina brauðsneið með þessu og var gjörsamlega að springa, náði meira að segja ekki alveg að klára.

Í kvöld borða ég svo þessa súpu og smá nautakjöt.

2005-10-05T18:48:00.000Z

Jæja, ágætis dagur í dag ...hef setið á rassinum eins og undanfarna daga og lært (ég er sko að tala um 8-9 klst á dag! ) Eins gott að þetta skili tilætluðum árangri í desember!

Oh...það er svo gott að fá spark í rassinn frá ykkur skvísur og gott að sjá að maður er ekki gleymdur þó svo maður sé ekki alltaf að kíkja á ykkur :) Þið eruð yndislegar !

Ég fór á hjólið í smástund í gær en á alveg eftir að fara í dag.

Haldið að ég hafi bara ekki verið klukkuð!

1. Ég er grúskari, get sökkt mér ofaní eitthvað sem ég hef áhuga á þá stundina og þá kemst helst ekkert annað að.
2. Ég hef gaman af hryllingsmyndum en þori varla að horfa á þær.
3. Ég er jeppakeddling ;) ....elska jeppann minn, sem má sko ekki fara með í torfærur.
4. Mér finnst súkkulaði best af öllu
5. Ég er langyngst og eina stelpan í systkinahópnum.

Þar hafið þið það. Er ekki búið að klukka alla? Þið sem enn hafið ekki verið klukkuð og lesið þetta blogg - KLUKK! ;) ...endilega látið mig vita samt svo maður geti lesið :)

2005-10-03T17:01:00.000Z

Óboj, ógn og skelfing, ég fitna bara og fitna :( Nú hafa bæst á mig tæp 2 kíló frá því í sumarfríinu mínu. Ég borða nú ekkert öðruvísi en er hætt að vinna og sit og les meira og minna allan daginn og á kvöldin. Passa mig vel á að nasla ekki á meðan. Borða meira að segja mjög reglulega yfir daginn.

Í dag fór ég í 10 mín á gönguhjólið á heimilinu og ætla aftur á eftir. Reyna þetta daglega. Skelfing erfitt að sitja svona mikið eins og ég er farin að gera. Enda botninn oft aumur ;)

Ég verð að taka í taumana og byrja strax að bæta mig. Mig langar að prófa þennan danska kúr...sé til.

2005-09-18T12:47:00.000Z

Nú er maður bara á kafi í bókalestri....rosa skemmtilegt :) Ég fór norður í lok ágúst til að vera í svokallaðri nýnemaviku sem var bara mjög fín og manni var kennt á allt kerfið í skólanum. Flottur skóli. Vel skipulagður. Svo fór ég aftur í síðustu viku og komst að því að ég er ágætlega stödd miðað við aðra nemendur svona námslega séð svo ég held bara áfram mínu striki ;) Eins gott að vera dugleg því við erum 72 að keppa um 34 sæti :þ

Megrunarmálin eru hinsvegar ekki í góðu lagi þar sem ég hef bara étið það sem mér datt í hug. En er svona að reyna að stilla mig aftur. Vigtin í morgun sýndi 91,7 og mér finnst ég vera að springa. Ég hef hinsvegar staðið mig vel sl. sólarhringinn og ætla mér að halda því áfram. Ég skrifa örugglega ekki mikið samt hér inn þar sem ég fer bara frekar lítið á netið núorðið. Reyni samt að kíkja af og til á ykkur skvísur þó svo ég sé ekki dugleg að kommenta.

2005-08-20T08:41:00.000Z

Tala dagsins er 90,5 kg. Ég hef verið að rokka frá ca. þessari tölu og upp í rúmlega 91 kg í sumar. Fór reyndar einusinni niðurfyrir 90 en það var þegar mér tókst að halda mér á hnefaplaninu ;) Vill komast þangað aftur og geri það ....sennilega samt ekki fyrr en eftir viku eða svo.

Á morgun fer ég norður á Akureyri, alein :/ til þess að mæta í nýnemaviku í háskólanum. Ég verð í burtu í 5 daga eða svo, ætla að mæta í fyrstu fyrirlestrana líka til þess að kynnast þessu smá. Svo verð ég bara heima að lesa í vetur.

Mér finnst svo skrítið að vera svona ein í svona marga daga....það hefur bara ekki gerst síðan ég var unglingur :þ Húsmæðraorlof verður þetta og ég ætla að láta mér líða vel.

2005-08-19T15:20:00.000Z

Jæja, það er nú aldeilis orðið langt síðan síðast, en það er nú af ásettur ráði. Fékk alveg nóg af því að skrifa alltaf það sama hér inn og engar breytingar í gangi. Ég ákvað því að skrifa ekki staf hér inn fyrr en ég næði 88 kg :/ ...en ekki hefur það enn tekist svo ég er að brjóta eigin reglur hér :þ

En ég var komin upp á lagið með að borða 6 hnefastórar máltíðir á dag og þar af einn próteindrykk....það svínvirkaði en ég fór síðan í ferðalag og þá skemmdist allt :( Svo hef ég ekki komist aftur í gírinn.

Miklar breytingar í gangi hjá mér núna, ég er að hætta í vinnunni minni og er að fara í Háskóla til þess að læra hjúkrunarfræði :) gaman gaman! Er búin að stefna að þessu í mörg ár og ætla að vera rosa dugleg að læra núna.

Það er pínu skrítið að hætta í vinnunni, það hefur farið mjög vel um mann þarna og ég hef unnið þarna í 9 ár núna. Hef grun um að ég fari þangað aftur svona af og til ef það vantar afleysingu ...sjáum til. Ágætt að halda sig í æfingu líka svona blóðsugulega séð ;)

Ég veit ekki alveg hversu dugleg ég verð að líta upp úr bókunum til að skrifa hér inn....kemur í ljós. Ég er að vona að ég taki matarræðið betur í gegn þegar ég er svona heima....fyrst það tókst í sumar þá ætti það alveg að takast aftur. Verst hvað það er erfitt að halda sig við það.

Já...alveg rétt, ég labbaði líka heilmikið úti og fór í sund, það ætla ég að halda áfram að gera.

2005-06-25T09:32:00.000Z

Jæja, þá er það talan, og 90,7 er hún :) Ég er sosum alveg sátt við hana því þetta er 600 gr. minna en síðasta laugardag. Þetta er samt ekki lægsta talan í vikunni, það var 90,4. Það er einhver vökvasöfnun í mér og þreyta enda hef ég verið að upplifa eina af erfiðustu vikum lífs míns :/ Í gærkvöldi var ég td. 91,7 og pissaði sko líter í nótt :þ hehe

Matseðillinn minn er oftast eitthvað á þessa leið:

Morgunmatur: Myoplex drykkur
Morgunkaffi: 1 hrökkbrauð með osti, kaffi og niðurskornir ávextir
Hádegismatur: Það sem er í boði í vinnunni minni, yfirleitt mjög hollur matur.
Kaffitími: Annaðhvort Myoplex eða drykkjarskyr og ein pera
Kvöldmatur: Bara það sem ég hef í matinn
Kvöldkaffi: Ekkert nema ég sé að deyja úr hungri þá fæ ég mér drykkjarskyr

2005-06-23T17:54:00.000Z

Jájá...allt í góðum gír hér og ég er harðákveðin í að svoleiðis skal þetta vera áfram. Vigtin mín er líka farin að húrra sér niður :þ Gaman gaman. Ég er eitthvað ótrúlega stillt inn á hollan mat núna og ég tel að myoplexið sé að hjálpa mér þar. Drekk gjarnan einn til tvo svoleiðis á dag. Yfirleitt bara einn. Ég hef ekki nennt að skrifa inn matseðilinn. Ég hef verið svo skrítin í þessari viku, eiginlega svona syrgjandi bara. Frá því að ég opnaði umslagið frá háskólanum þá hef ég verið með hausverk og svo þung eitthvað. Mikið sár yfir því að geta ekki verið með...þó svo ég hafi ekki útilokað þann möguleika ennþá og er að íhuga hina og þessa möguleika.

Eina sem mig vantar núna er blessuð hreyfingin, það er skelfing erfitt að koma sér út að labba eða í sund.

2005-06-22T22:53:00.000Z

Jebb...enn einn dagurinn sem ég hef staðið mig vel :) Jibbí.

2005-06-21T21:04:00.000Z

Ég hef verið mjög dugleg í dag ...fyrir utan smá kex sem ég fékk mér í kaffitímanum. Er alltaf svolítið veik á svelli ef eitthvað gott er til á heimilinu. Ég er hinsvegar búin að vera mjög niðurdregin út af þessu skólamáli mínu. Býst við að verða að sleppa því að fara í háskólann...sem mér finnst ansi súrt og halda áfram við að klára stúdentinn. Þó svo að allir hér á heimilinu styðji mig í að fara norður að læra þá finnst mér það of mikið mál :( Get ekki farið. *grát*

2005-06-20T19:40:00.000Z

Jæja, þá er afmælið yfirstaðið og allt sem því fylgir. Mjög vel heppnað alltsaman :) Skottan yndisleg, söng hástöfum "hún á afmæli í dag" :)

Ég borðaði ...en ekkert eins mikið og ég hefði getað gert ;þ ...er það ekki gott hjá mér!? thíhí. Í dag hef ég svo verið sjálfri mér til sóma. Borðað eingöngu hollt og gott. Lét strákana borða afganginn af veislunni :þ

Í dag hef ég verið voðalega mikið að hugsa. Þannig er að ég sótti um í Háskólanum á Akureyri í hjúkrunarfræði og fjarnám frá Reykjanesbæ. Ég komst inn í Háskólann en ekki fjarnámið af þeim forsendum að ég bý ekki í Reykjanesbæ, fjarnámið sé fyrir suðurnesjakonur og svo sé bara allt orðið fullt hjá þeim :( Ég hef tvisvar sótt um í HÍ en í bæði skiptin verið synjað þar sem ég er ekki stúdent.
Nú er að brjótast um í mér hvort ég eigi að tvístra fjölskyldunni og fara norður með skottuna og einn strákinn til þess að vera þar allaveg fyrstu önnina eða hvort ég eigi að hjakkast áfram í sama farinu og reyna að ná þessum blessaða stúdent :/ Arg hvað ég er ósátt við að komast ekki í námið hér í HÍ.

2005-06-19T08:32:00.000Z

Ég ætla nú bara að setja inn tölu dagsins í dag þar sem hún er miklu betri en í gær :) 91,0 :) Var rosa dugleg í gær. Nú á skottan mín 3ja ára afmæli í dag og það verður haldið upp á það með pompi og prakt :) Verð með hollustuna með þessu óholla svo er bara spurining hvort maður standist óhollustuna :þ

2005-06-18T07:50:00.000Z

Döh...leiðindaátak. 91,3 er tala dagsins :( Alveg 300 gr. þyngri í dag en í gær, ég sem ætlaði að vera 300 gr. léttari :/ Svindlaði ekkert mikið í gær samt fyrir utan svolítið þungan kvöldmat sem húsbóndinn grillaði. Labbaði um í bænum í klukkutíma en fór ekkert í almennilega göngu eins og ég hafði hugsað mér. En það þýðir ekkert að gefast upp, er komin á skrið í matarræðinu þó svo vigtin sé leiðinleg. Nú þarf ég að undirbúa afmæli sem verður á morgun og ég er búin að ákveða að þar verður allskonar hollt á boðstólnum í bland við það óholla :þ

2005-06-17T07:55:00.000Z

Ég hef verið svo uppþemd undanfarna daga að ég hélt bara að ég myndi springa. Það er auðvitað þetta "skemmtilega" mánaðarlega sem veldur þessu. Mér hefur samt tekist að halda aftur af nammiþörfinni sem gjarnan fylgir þessu ástandi :þ
Sá loks vigtina skoppa niður í gær, meira niður en hún hefur gert síðustu vikur svo ef ég stend mig vel í dag...sem er ætlunin, þá kemur bara skemmtileg tala hér í fyrramálið :)

Á sunnudag á svo bjútíprinsessan mín 3ja ára afmæli. Þarf að hafa eitthvað hollt í bland við óhollustuna. Oh...kvíði fyrir því að þurfa að halda mig á mottunni þá :(

Ég fór ekkert út að labba í gær. Var bara of þreytt til þess. Ég nefnilega svaf ekkert fyrir pirring í fótunum eftir síðasta göngutúrinn, maður er svo mikill aumingi eitthvað :/ Ætla nú samt að labba úti í dag :)

2005-06-15T21:38:00.000Z

Ég er búin að fara í hálftíma langan göngutúr og það var bara YNDISLEGT!!!!!

2005-06-15T19:02:00.000Z

Jebb..enn einn góður dagur. Reyndar smá þungur kvöldmatur en ég er að fara út að labba þegar stelpan er sofnuð svo það ætti ekki að koma að sök. Ég skal standa mig vel áfram!

2005-06-14T16:24:00.000Z

Ég er ennþá að standa mig rosa vel :) Jibbí. Svo fékk ég svo góðar fréttir í dag að ég er alveg í skýjunum. Segi seinna ef allt gengur upp. Já..þetta er hluti af því sem spákonan spáði thíhí :þ

Ég er að berjast við löngunina í karamellusúkkulaðifyllt kex sem strákarnir keyptu í kaffitímanum. Ég fékk mér bara skyr og eina peru til að verða södd. Læt kexið vera :/ Maður verður víst að læra að standast svona freistingar. Ekki hægt að ætlast til að enginn fái neitt fyrst ég fæ ekki :þ

2005-06-13T17:10:00.000Z

Ég var bara nokkuð dugleg í gær og er búin að vera rosa dugleg í dag :) *mont* Ætla meira að segja í sund eða göngutúr á eftir. Æðislega gaman þegar maður kemst svona aðeins á skrið.

2005-06-12T09:24:00.000Z

Nú verð ég að berjast og standa mig vel í dag. Ekkert svindl. Gerði svolítið af því í gær.

Gærdagurinn var mjög fínn framan af en svo var kvöldmaturinn svolítið stór, grillaðir kjúklingabringuhamborgarar og bökuð kartafla og bjór og smá súkkulaði um kvöldið.

2005-06-11T08:18:00.000Z

91,2 er tala dagsins, sem er jú sama tala og í síðustu viku en þarf ekki endilega að vera svo slæm ;) Ég nefnilega þyngdist um heilt kíló í vikunni eftir síðustu helgi :/ og hef verið að berjast við að ná því af...skemmtilegt! ...eða þannig.

Vona að ég læri af þessu og skemmi ekki alltsaman þessa helgina. Ég hef verið mjög dugleg undanfarna daga og vigtin hefur farið niður á hverjum degi síðan á mánudag svo það er gott. Ég keypti mér Myoplex diet held ég að það heiti og fé mér það í morgunmat, borða svo í morgunkaffitímanum hrökkbrauð með osti og smá ávexti, svo hádegismatinn í vinnunni, 1 peru og 1 skyr í kaffitímanum, kvöldmatinn hér heima svo og drekk eina drykkjarskyr á kvöldin. Þetta hef ég borðað alla vikuna og er greinilega að virka svo ég held því áfram. Er að berjast við að koma mér út í göngutúra eða sund en það gengur ekki alveg nógu vel :/

Býst nú við því að ég svindli eitthvað í dag en það verður bara í dag þá, ekki alla helgina.

2005-06-09T15:17:00.000Z

Arg...ég er að farast mig langar svo í eitthvað gott að borða en ég verð að vera dugleg svo ég standist nú það sem ég sagði síðasta vigtunardag ...þe. 500 gr af! Óþolandi átak!

Það var sukkdagur í gær, fékk gesti sem mig langaði til að bjóða uppá allskonar gúmmolaði og skar niður ávexti niður í skál og bjó til jógúrtsósu til að hafa útá og var svo með tertu, kex og tortillur einhverskonar, reyndar með bara 10% sýrðum rjóma svo þær voru ekkert rosa óhollar. Ætlaði bara að halda mig við ávaxtasalatið en stóðst það ekki ;( En í dag hef ég sko staðið mig rosalega vel...so far!

2005-06-05T09:59:00.000Z

Mig langaði bara ekkert að setja inn tölu í gær, hún var bara ekki það skemmtileg þó svo ég hafi staðið mig vel. 91,2 :( Ég var komin yfir 92 ....ferlega fúlt eitthvað en er að ná því niður vonandi þar sem ég er svo staðráðin í að ná af mér 3 kg.

Í gær var samt átdagur. Enda spring ég bara ef það er ekki af og til nammidagur. Ég borðaði nú bara eðlilega framan af og svo fór ég á rúntinn með börnin og við fengum okkur ís í kaffitímanum. Svo bauð maðurinn minn mér út að borða í gærkvöldi og ég er varla búin að jafna mig eftir það. Kokkurinn fékk að ráða hvað við borðuðum og þetta var alveg geggjað. Fórum á Sjávarkjallarann og mig langar að telja upp það sem við fengum :þ thíhí....það verður langur listi ;)

Í 1. forrétt:
Hörpudiskasmakk og brauð

Í aðalforrétt ;)
Hörpudiskur
Humar
Tígrisrækjur
andalæri
og dúfukjöt.
og meðlæti með þessu sem var yfirleitt einhverjar sojasósur og grænmeti

Aðalréttur: (á þessu stigi var ég nú bara alveg að verða södd)
Skötuselur
karfi
túnfiskur
saltfiskur
lax
andabringa og núðlur
(*svitn*)

Eftirréttur:
3 tegundir af sorbet ís
súkkulaðibananabrownies með ananassorbet
og einhver sorbet í banana eitthvað :þ

Ég var að springa og var alveg komin með verk í magann. Þetta voru allt svona smáréttir sem við skiptum á milli okkar og voru svona ca. 2-3 munnbitar á mann. Rosa skemmtilegt ;) Smakkaði margt þarna sem ég hef aldrei smakkað og aldrei langað til að smakka eins og td. dúfu og ferskan túnfisk.

Þetta er nú léttur matur alltsaman en bara svo mikið magn.

Í dag verður strangur dagur því nú verður amk. 500 gr. lágmark að vera farin á næsta laugardag.

2005-06-03T12:49:00.000Z

Allt í gúddí og mín bara í góðum gír. Sá talsverðan mun á vigtinni í morgun en hún hefur farið svolítið upp í vikunni :/ Ég er svo ákveðin í að standa mig núna að ég ætla ekki að láta neitt skemma fyrir mér. Mér skal takast að losna við þessi 3 kíló.

Mikið er ég annars farin að sakna þess að lesa bloggið þitt Lilja, bíð eftir að þú komist í stuð og byrjir aftur að blogga almennilega...ég kíki oft á dag ;) Skil þig samt rosa vel að vera ekki í stuði.

Ég má til með að segja ykkur hvað ég gerði í gær. Ég fór til spámiðils og ég er bara alveg dolfallin. Mest allt sem hún sagði passar svo vel við og hlutir sem hún gæti ómögulega giskað á. Vá. Ég er td. þessa dagana að bardúsa svolítið sem ég vil ekki segja frá fyrr en ég veit betur hvernig það gengur, hún talaði um það! ...segi betur frá því þegar ég veit meira á hvorn veginn það fer ;) Hún lýsti börnunum og manninum mínum alveg, sá þann elsta með gítarinn, aldurinn hans, og að hann sé að semja tónlist. Ekkert smá skemmtilegt hehe. Mamma fór líka og það var kannski ekki alveg eins mikið sem passaði hjá henni en ótrúlega margt samt ;)

2005-06-02T08:11:00.000Z

Það er yndislegt að vera komin í smá sumarfrí :) ...vildi bara að dóttir mín myndi aðeins sofa lengur en til hálf sjö - sjö á morgnana :/ Hún er reyndar sofnuð bara uppúr átta á kvöldin svo þetta er kannski ekkert skrítið.

En ...megrunarmál, það fór heilt kíló af mér í nótt! Það er samt enn eftir einhver bjúgur ennþá. Spurning um að malla sér olludjús.
Í gær var smá svindlað, fékk mér eplakökusneið hjá mömmu en ekkert meira en það. Í dag er stefnan tekin á að standa mig enn betur ;) Skal losna við 3 kg. sem fyrst!

2005-05-31T19:34:00.000Z

Fínn dagur í dag ...og í gær ...og í fyrradag ;) Mín bara komin á skrið enda komin gjörsamlega með upp í kok yfir átinu og átaksleysinu. Ég setti mér markmið ...markmið sem er raunhæft og lítið svo það ætti að takast fljótlega. 3 kíló burt sem fyrst :þ það er markmiðið mitt eins og er og svo set ég mér bara nýtt markmið þegar þessu er náð. Get ekki hugsað um meira í einu.

Nú er ég komin í örstutt sumarfrí alveg fram á mánudag, ohhh...næs. Í fyrramálið fer ég með skottu litlu í leikskólann í aðlögun, við erum þrælspenntar hér mæðgurnar.

2005-05-29T17:37:00.000Z

Haldið að mín sé bara ekki að standa sig úbervel í dag :) Búin að skammast í kallinum og kenni honum nottla um alla þessu óhollustu enda er mest borðað þegar hann er heima. Hann snýr uppá hendina á mér til að ég borði þetta alltsaman ;)

En í dag er ég dugleg og ætla að vera það áfram...ég er alveg búin að fá nóg af þessu bulli.

2005-05-28T08:35:00.000Z

90,9 er tala dagsins :/ ...er samt aðeins að komast í gang aftur, er að minnsta kosti farin að hugsa um það aftur ;) Hef verið bara slöpp undanfarið með kvef og hausverk og sofið illa á nóttunni fyrir skruddu minni litlu sem hefur verið að brölta einhverra hluta vegna. Þá er maður svo ómögulegur eitthvað. En þetta lagast alltsaman og nú ætla ég að kíkja bloggrúnt.

Hehe...smá fyndið.... í gær var ég svo ákveðin í að standa mig vel ....en mín er afar óstabíl þegar freistingar eru annars vegar. Mamma var að baka og var með fullt af allskonar kökum og bauð í kaffi, svo kom maðurinn minn heim með konfektkassa í gær og rétti mér ....og ég opnaði hann og gleypti nokkra mola :/ Skil ekkert í þessum aumingjaskap í mér.

2005-05-26T17:20:00.000Z

Bryndís blogglata hér ;)

En þetta gengur allt upp og niður hér hjá mér...stundum stend ég mig eins og hetja og svo fellur allt eins og spilaborg. Ég bara nenni þessu ekki ;) En ég er ekkert að gefast upp neitt, bara er í svona lööööööööngu letitímabili.

2005-05-21T08:56:00.000Z

Ojæja, 90,4, alveg heilum 200 gr. léttari en í síðustu viku ;) Þetta hlýtur að fara að mjakast af mér aftur og ég er á fullu að reyna að passa mig. Mig dauðlangar í sund eða út að skokka og ætla mér það. Ég þarf bara alltaf að biðja um pössun og það er svo leiðinlegt :/

Ég ætla að taka bara einn dag fyrir í einu og borða hollt eins og gerrit var að benda mér á, ég hef sosum reynt það áður og tekist en dett alltaf aftur. En þetta fer að rúlla af stað aftur hjá mér...ég er viss um það :)

2005-05-19T21:26:00.000Z

Jibbí...ég náði prófinu mínu, meira að segja gott betur en það og fékk 7 ! :) Mjög gott miðað við að læra rétt fyrir próf.

En megrunarmálin, ég fór ekkert út að labba :/ Hef samt borðað sæmilega megrunarlega í dag fyrir utan eina skál af kókópuffsi.

Oh...löt.

2005-05-19T17:12:00.000Z

Oh...ég er svo mikið að reyna að vera í megrun en það gengur illa. Dagurinn í dag er þó með þeim skárri. Ég þyngist bara :(
Það er líka svo erfitt að byrja að hreyfa sig, mig langar til þess að fara í líkamsrækt eða helst út að skokka en finn mér alltaf afsakanir :/ Verst að ég skuli ekki grennast við það að afsaka mig, þá ætti ég sennilega ekki við neitt þyngdarvandamál að stríða ;)

2005-05-17T21:05:00.000Z

Átdagurinn mikli var í gær, ...allt kallinum að kenna ;) thíhí. En hef staðið mig mjöööög vel í dag. Fór í próf og er afar fegin að vera búin með það, hugsa að kennarinn eigi eftir að skemmta sér konunglega yfir því þegar hann fer yfir það ...allt fullt af allskonar skáldskap, neee..segi sonna. Vona að ég hafi nú allavega náð því. Það er smá erfitt þegar maður er í fjarnámi að átta sig á því hvað kennarinn leggur áherslu á þó svo maður viti það nokkurnvegin. Þetta er líka bara talsvert erfitt fag.

En..matseðill dagsins:
Morgunmatur: 1 banani og léttjógúrt
Morgunkaffi: 1 hrökkbrauð með osti og sykurl. sultu, kaffi
Hádegismatur: 1 brauðsn. með osti, salat með fetaosti, aspassúpa
Kaffitími: Niðurskornir ávextir með léttjógúrt
Kvöldmatur: svínakjöt, bökuð kartafla og sósa
Kvöldsnarl: búst

2005-05-15T09:01:00.000Z

Ég ætla nú bara að setja inn töluna sem kom á vigtina í dag ... 90,6 sem er miklu betri tala en í gær. :) Einhver vökvasöfnun hefur bætt við töluna í gær hjá mér.

2005-05-14T09:03:00.000Z

Ég er nú ekkert voðalega glöð með tölu dagsins og langar bara ekkert að skrifa hana inn :( En verð að halda mig við þetta þó ekkert gangi. 91,3 :/ ...var samt 90,6 í gærmorgun svo það getur vel verið að þetta sé vökvasöfnun. Núna sit ég og drekk olludjús og vonast til þess að þetta renni bara af mér :þ

Ég veit vel að það er hreyfingin sem vantar uppá til þess að eitthvað fari að gerast í málinu. Vonast til að truntast af stað í dag!

Matseðill gærdagsins var svona:

Morgunmatur: 1 léttjógúrt
Morgunkaffi: kaffi, 1 hrökkbrauð með osti og sykurl. sultu
Hádegismatur: grænmetisseyði með raviolipasta, 2 litlar brauðbollur
Kaffitími: Niðurskorin melóna, jarðaber og appelsína, 1 flatkaka
Kvöldmatur: kjúklingasúpa og 2 ristaðar brauðsneiðar.
Kvöldsnarl: nokkrar súkkulaðikúlur :/ og 1 lítill bjór.

2005-05-12T15:59:00.000Z

Úff...það er ekki megrunarvænt að vera í próflestri :/ Ég er á stanslausri beit á meðan. Prófið er akkúrat núna en ég ákvað að mæta í sjúkrapróf á þriðjudaginn til þess að vera viss um að ná allavega ;) Þetta er svo geypilega mikið námsefni og frekar flókið að maður verður að lesa vel...svo er líka miklu skemmtilegra að geta eitthvað í prófinu en ekki rétt að skríða :) Þetta fag...sýklafræðin kemur líka til með að nýtast mér í framtíðinni þegar ég fer í hjúkrunarfr.námið :)

Núna er ég búin að skera niður melónu og ætla ekki að láta undan freistingum ....eins og ég gerði í gær :þ Vigtin hefur rokkað frekar mikið og ég á ekki von á neinni lækkun á laugardaginn.

Eftir helgina ætla ég að byrja aftur að labba úti og jafnvel að skokka eitthvað smá...mig langar svo til að vera skokkandi hér um allt :þ Það getur bara vel verið að ég fari eitthvað út um helgina bara.

2005-05-09T16:36:00.000Z

Þá er þessi langþráða helgi búin og stóðst alveg væntingar...ekkert smá gaman á þessum árgangsmótum :) ...og ekki var leiðinlegt að heimsækja uppáhaldsfrænkuna sem fór með mig á rúntinn og dekraði við mig! Ég náði að kaupa mér fín föt sem ég var bara sátt við og leið vel í. Nú er bara að halda áfram í átakinu og ná af sér fleiri aukakílóum. Það hefur reyndar verið til smá nammi hér sem ég er búin að klára bara svo það sé ekki fyrir :þ

Ég er með harðsperrur eftir leikfimi sem var farið í hjá gömlum leikfimikennara sem lét okkur stelpurnar fara í snúsnú. Það var nú samt ekki neitt miðað við hvað hann lét strákana púla, það var ekki þurr þráður á þeim.

Er á kafi að læra fyrir sýklafr.prófið sem verður á fimmtudaginn, verð ekkert smá fegin þegar það er búið!

2005-05-07T08:03:00.000Z

90,2 er tala dagsins, sem er sosum ágæt þar sem ég fór uppí 91,7 í vikunni :/ Er þvílíkt búin að berjast við að ná því afmér aftur og þetta mjakast allt í rétta átt. Ég má ekki vera að því að kíkja bloggrúnt núna, er að undirbúa mig fyrir skagaferð á árgangsmót, jibbí :) Verst hvað ég er ósofin ....vakti til kl. að verða eitt og var vakin af skessu litlu kl hálf sjö í morgun :( Sofna sennilega fram á borðið í kvöld ;þ

Góða helgi dúllur!

2005-05-05T12:32:00.000Z

Jæja, nú þambar maður bara vatnslosandi te til að vita hvort þetta leiðinda kíló sé ekki bara vökvi ;) Vona það. Nú ætla ég að skjótast í smá verslunarleiðangur og kaupa mér föt fyrir árgangsmótið sem verður á laugardaginn.

Ég stóð mig nokkuð vel í matarræðinu í gær en fékk mér smá Lite bjór og hvítvín.

Matseðill gærdagsins:
Morgunmatur: 1 banani og 1 léttjógúrt
Morgunkaffi: 2 hrökkbrauð með osti og sykurl. sultu, kaffi
Hádegismatur: aspassúpa, salat og brauð
Kaffitími: te, 1 appelsína og 1 mangó
Kvöldmatur: pinnamatur ( kjúkl.bringa, lambalund, djúpst. rækjur, kjötbollur og sollis)

2005-05-04T15:13:00.000Z

ARGALAGAAARG! Mikið skelfing er ég stundum þreytt á þessu öllu! 1100 grömmum þyngri í morgun en í gærmorgun, kræst...skil ekki hvað er í gangi bara. Mér finnst ég öll svo þrútin eitthvað.....ekki samt von á Rósu strax svo það er ekki afsökun :/

Í gær var matseðillinn svona:
Morgunmatur: 1 jógúrt og nokkrir melónubitar.
Hádegismatur: salat, brauðréttur.
Kaffitími: hálf kantilúpumelóna, appelsína og jarðaber, te
Kvöldmatur: Sjávarréttasúpa og brauð
Kvöldkaffi: 1 lítil sneið af pavlovu og msk ís. (var sko boðið í kvöldmat)

Grrr...ég er í vondu skapi yfir þessu öllusaman :(

2005-05-03T07:23:00.000Z

Fínn dagur í gær. Sá það líka á vigtinni en hún hafði skotist talsvert upp eftir helgina :/ Nú ætla ég bara að vera rosa dugleg í dag líka :)

Matseðill gærdagsins var svona:

Morgunmatur: 1 léttjógúrt
Morgunkaffi: 1 hrökkbrauð með osti og kaffi
Hádegismatur: ofnbakaður fiskur með hrísgrjónum og salati, smá mangó í eftirétt
Kaffitími: Te, niðurskorin melóna, appelsína og jarðaber
Kvöldmatur: steiktur fiskur í raspi, kartöflur

:) Fann út þetta með fituinnihald melónunnar.

2005-05-02T16:48:00.000Z

Í dag skal mann standa sig ...og só far hefur það tekist :)

Eftir hryllingshelgi með manninum mínum ...matarlega séð þá er þetta bara ekki hægt lengur og ég lét hann vita að þetta gengi ekki svona helgi eftir helgi. Maður liggur bara á beit og í gærkvöldi var endað á ís og marsíssósu *smjatt* Við þyrftum svo sannarlega bæði að taka okkur á. Vona að það takist í þetta sinn, það skal takst núna!

Vitið þið hvort Kantilópumelóna sé fitandi? ....ég var að reyna að finna einhverja hitaeiningasíðu en fann enga :/

2005-04-30T08:38:00.000Z

90,2 er tala dagins. Hef staðið mig rosa vel síðustu tvo daga fyrir utan pizzu sem ég borðaði í gærkvöldi, en það bitnar á vigtinni í dag. Er alltaf svo þung eftir að borða pizzu :/ En ...maður nennir ekkert að elda þegar maður er í prófalestri :þ

Jæja, ætla að kíkja á ykkur skvísur!

2005-04-29T16:11:00.000Z

Ég stend mig sko endalaust vel í dag og í gær :) Borðaði jógúrt í morgunmat og svo hádegismatinn í vinnunni og kvöldmatinn heima og ekkert milli mála nema ávexti :) ...slatta af þeim reyndar og þá aðallega melónu. Ekkert nammi :þ

Nú kíki ég bloggrúnt í kvöld sko!

2005-04-27T21:25:00.000Z

Oh...ég er í rauninni að standa mig rosalega vel en ég er bara svo löt að blogga og einn og einn súkkulaðimoli ratar á minn munn :/ En nú verð ég að vera ýkt dugleg, það styttist í árgangsmótið sem ég var búin að setja mér mark fyrir, og það mark er fjarri því að vera nálægt :(

Hef ekki staðið mig heldur í að fara bloggrúntinn *skammastmín*

Er þessa dagana að hamast við að skila síðustu verkefnunum í sýklafræðinni svo ég haldi nú örugglega próftökuréttinum ;)

Við skotta mín fórum í göngutúr í gær svo það er eitthvað jákvætt við megrunarhliðina mína :)

Skrifa meira seinna og set inn tölu á laugardaginn og kíki bloggrúnt!

2005-04-25T16:31:00.000Z

Komin heim!

Oh...það var svoo gaman og við erum úrvinda úr þreytu. Við komum heim rétt eftir miðnætti í gær. Smá ferðasaga: Komum á hótelherbergið um kl 22 á miðvikudagskv. og fórum strax út að rölta til þess að finna eitthvað að borða. Maður var alveg ein augu að sjá allt lífið og ljósin :) Morguninn eftir löbbuðum við í Madam Tussaud safnið og skoðuðum vaxmyndirnar þar...gaman gaman, þaðan fórum við svo í svona tveggja hæða strætó sem var samt án þaks og fórum í skoðunartúr um borgina. Það var æðislegt, mæli með því. Sáum flesta þessa frægustu staði og löbbuðum um líka. Föstudagurinn var svo búðardagur ásamt því að rölta um hér og þar...enduðum hann á að sjá We will rock you sýninguna sem var æðisleg. Laugardagurinn fór í að versla og skoða meira í kring og fórum í Covent garden og borðuðum þar á æðislegum stað, svo fórum við í dýragarðinn á sunnudeginum ...það var líka fínt. Nú er maður bara að jafna sig ...er frekar einkennileg í hausnum, ég tók nefnilega inn "kúlur" til að ná mér niður fyrir flugferðina :/ Flugið var rosa fínt en ég var samt frekar hrædd :( ...og ekki leið mér betur í lestunum sem við þurftum að taka á milli London og Stansted :/ hehe...algjör hæna ;)

Svo var yndislegt að vakna í mínu rúmi í morgun, með litlu skottunni sem brosti hringinn þar sem hún hefur allan tímann haldið því fram að mamma og pabbi væru að vinna :) Hún er svo búin að vera í því að máta föt ...litla pæjan ;)

Megrunarmálin. *hóst* Hef bætt á mig um hálfu kílói í ferðinni, það gæti líka verið bjúgur en vigtin í morgun sýndi 90,5 Hlakka til að komast í rútínu í þessum málum. Verst að það er til fullt af sælgæti ;)

2005-04-19T14:59:00.000Z

Ég hef svona aðeins reynt að halda mig á mottunni en annars kemst ekkert að nema þessi Londonferð okkar hjónaleysanna :) Við fljúgum á morgun um miðjan daginn og komum heim aftur seint á sunnudagskvöldið. Oh...ég kvíði svo fyrir að fljúga...og fyrir því að skilja börnin mín eftir :/ ...en ég hlakka samt rosa til að komast út :)

Jæja, ætla ekkert að skrifa hér meira fyrr en ég kem heim og þá tek á því :)

Kíki líka bloggrúnt þá og hlakka til að sjá hvernig ykkur gengur!

2005-04-16T12:06:00.000Z

Jæjajá...hmm...alltaf í boltanum!

Það er sko allt í skralli hér í megrunarmálum, finn grömmin hrúgast á mig tilbaka ;( og endalausar veislur hér og þar...og það sem verra er að það var saumaklúbbur hjá mömmu og þar eru miklir afgangar svo hér er nóg af freistingum. Fór samt einusinni út að labba í vikunni ;) Svo hafa verið veikindi, allir í fjölskyldunni nema ég hafa fengið ælupest og niðurgang...býst við að ég sleppi úr þessu :) Londonferð í næstu viku og ég byrja bara aftur í átakinu mínu á fullu þegar ég kem heim næsta sunnudag.

2005-04-10T07:58:00.000Z

Iss...manni er ekki viðbjargandi bara. Letin allsráðandi, nema þá helst á átsviðinu og tölvusviðinu. Fussumsvei. Það ætlar að vera erfitt að koma sér almennilega í gírinn aftur. Hef ekkert farið út að labba, bæði veðrir verið svo leiðinlegt og skottan mín lasin, nú er skottunni batnað svo ég vona að veðrið fari að batna líka :)

Best að kíkja á ykkur og vita hvort maður smelli ekki í gírinn. Fer reyndar í veislu á eftir og á ekki von á öðru en að sporðrenna kræsingunum þar.

2005-04-01T20:52:00.000Z

Ég er hérna ennþá :) ....bara skelfing löt að blogga. Setti póst hér inn um daginn og hún kom uþb. 20 sinnum inn, ég eyddi ca. 19 út og setti inn alveg nýja færslu...sem bara kom ekkert inn. Ferlega fúlt eitthvað :þ

En mér gengur vel í átakinu mínu, hef staðið mig mjög vel og vigtin mjakast niður á ný. Ætla á morgun að kaupa mér einhver föt til að fara í fermingarveislu á sunnudaginn, er samt ekki komin í 88kg takmarkið mitt.

Kíki á ykkur í fyrramálið skvísur ;)

2005-03-28T23:02:00.000Z

Víí...ég fór út að labba í dag :) labbaði rösklega í 40 mín. Oh...það var svo hressandi og gott. En úff...ég er sko búin að borða yfir mig í dag og yfir páskana. Hlakka til að byrja í mínu matarræði á morgun. Nú ætla ég að keppast við að losna við syndakílóin sem fyrst.

Ég var í afmæli í dag og smakkaði þar alveg gómsætan rétt sem ég held að geti verið fínn á uppskrifasíðuna. Set hann inn við tækifæri.

2005-03-28T09:02:00.000Z

ÚFF....úff, hvað maður er búinn að skemma fyrir sér núna :/ En það er víst ekki aftur tekið og nú er bara að taka á því aftur. Ég hef ákveðið að setja ekki inn skammartöluna mína og set ekki inn tölu fyrr en ég hef náð aftur fyrri árangri, vona að það taki nú ekki langan tíma. Nú ætla ég í göngutúra á daginn þar sem ég get ekki kvartað yfir veðrinu. Sendi strákinn minn til að pumpa í dekkin á kerrunni hennar skvísu litlu svo hún geti notið góðs af þessum göngutúrum líka. Sem betur fer erum við skötuhjúin búin með páskaeggið svo það er ekki til neitt óhollt hér núna ;) Reyndar fer ég í barnaafmæli í dag en mér skilst að þar verði eitthvað í hollara kantinum líka þar sem húsmóðirin þar er í átaki ;)

Nú er bara ca. mánuður þar til við förum til London og þá er eins gott að vera búin að fá nýja tölu sko! *hlakkitilogkvíðifyrir* Ég er svo skelfilega flughrædd að ég get varla hugsað um þessa ferð...og svo er mjög erfitt að þurfa að fara í burtu frá litlu skottunni. Annars hlakka ég bara til :þ

Mikið hefur maður haft það rosalega gott yfir páskana og best er að vera í fríi. Þurfti svo sannarlega á því að halda. Var orðin svo laaaangþreytt eitthvað. Alltaf svo endalaust mikið að gera. Þó svo ég vinni ekki langan vinnudag úti þá er ég með stórt heimili. Svo er það þessi blessaði skóli. Ég er nú alveg í réttum gír með sýklafræðina, en get ekki sagt það sama með efnafræðina....getur vel farið svo að ég þurfi að sleppa henni, eina ferðina enn :(

Jæja....best að kíkja á ykkur...hvort þið séuð ekki búnar að vera stabílli en ég yfir páskana ;)

2005-03-22T22:52:00.000Z

Ég ætla bara rétt að henda inn matseðlinum....er svo þreytt eftir daginn, kemt ekki bloggrúnt :(

Morgunmatur: 1 léttjógurt og hálfur banani.
Morgunkaffi: 1 hrökkbrauð með osti og kaffi
Hádegismatur: Brokkolísúpa, 1 brauðsneið með osti, salat með fetaosti.
Kaffitími: 1 fittýbrauð með osti og sykurl. sultu, te.
Kvöldmatur: plokkfiskur, kartöflur, 1 sn. rúgbrauð, brauðsúpa með rúsínum á eftir.
Kvöldsnarl: 2 bitar sykurl. súkkulaði.

Góða nótt snúllur ;)

2005-03-21T19:34:00.000Z

Arg...ég er búin að vera á beit yfir helgina :/ ...og hef borðað allskonar sælgæti sem ég hef ekki snert lengi, nefni þar sem dæmi: vínarbrauð, mars-íssósu og ís ....tvix :/ En er að reyna að komast aftur í gang svo ég skemmi ekki fyrir mér það sem er farið. Ég horfi með kvíða til páskana og því gúmmolaði sem fylgir þeim. Ég fór á skagann í dag og heimsótti mína kæru frænku....sem var með ýmislegt gott á borðum, en það var nú ekkert svo óhollt samt....fyrir utan kannski 3-4 litlar sörur sem rötuðu á minn munn ;)

Í dag komst ég í buxur sem ég keypti fyrir rúmu ári síðan. Svartar fínar buxur úr Noa Noa. Þær voru of litlar á mig þegar ég keypti þær og ég ætlaði alltaf að grenna mig í þær, og ég hef verið í þeim í dag og þær eru bara þægilegar ;) Gaman að því.

Matseðill:

Morgunmatur: 1 léttjógúrt með 1 lúku af cheerios
Morgunkaffi: 1 kaffibolli, 2 lítil hrökkbrauð með osti, einn eplabátur
Hádegismatur: Ofnbakaður fiskur, hrísgrjón og salat, einn appelsínubátur og einn mangóbiti
Kaffitími: 3-4 litlar sörur, 2 sneiðar heit brauðrúlluterta og 3-4 tuc kex með smurosti, fullt af kaffi.
Kvöldmatur: 1 og hálft fittýbrauð með osti og te
Kvöldsnarl ef eitthvað verður: léttfryst léttjógúrt, banani, vínber og jarðaber skorin niður og borðuð með.

2005-03-19T07:47:00.000Z

88,8 :/ ...sem er sosum ágætt ...nema í gær var talan 88,5 á vigtinni. En ég borðaði of mikið í gær. Passa mig bara betur í dag ;) Nú ætla ég að kíkja langþráðan bloggrúnt!

2005-03-18T19:40:00.000Z

Æji....enn eitthvað svo mikið um að vera hjá mér :/ Og hef áhyggjur af honum pabba mínum, finnst hann svo lasinn :( Hef borðað meira í dag en undanfarna daga, veit ekkert af hverju :þ

Morgunmatur: 1 fittybrauð með osti og te
Morgunkaffi: 2 litlar hrökkbrauð með osti og nokkrir ávaxtabitar
Hádegismatur: gúllas, kartöflumús og salat.
Kaffitími: 2 fittýbrauð með osti og sykurl. sultu
Kvöldmatur: 3 litlar pizzusneiðar...borða ekki endana.
Kvöldsnarl: ekkert nema vatn vona ég
Millibiti: 1 low carb súkkulaðistykki.

2005-03-17T20:05:00.000Z

Oh...bloggið mitt í gær kom ekki inn :( En allt er í fullum gangi hér í megrunarmálum sem og öðru. Í dag var ég í 4 klukkutíma inná bráðamóttöku með pabba minn sem hefur verið lasinn undanfarna daga. Hann var nokkuð viss um að hann væri með þvagsýrugigt í úlnliðnum en í dag kom í ljós að þetta er svona mikil sýking. Það var pínu gaman að ég var að leiðbeina 4. árs læknanema í að taka blóðprufu....hún stakk pabba greyjið aftur og aftur og var orðin ansi skjálfhent í restina...en einhvernvegin verða nemarnir að læra svo hún gafst ekkert upp....enda hafðist það fyrir rest. Ég átti nú pínu bágt með mig enda alvön þessu og hefði gert þetta jafn auðveldlega og að drekka vatn ;) Ég sýndi henni hvernig átti að halda hólknum kyrrum meðan hún skipti um glas...og benti henni á góða æð á framhandlegg því það var ekkert að finna í olnbogabótinni, hún var afar þakklát ;) Gaman. Fín stelpa. Karlanginn hann pabbi er kominn með gifsspelku á aðra höndina og með nál og umbúðir á hinni, þurfti að fá sýklalyf í æð og þarf að fá aftur í fyrramálið. Oboj hvað við vorum bæði orðin svöng eftir þessa ferð :/

Hér kemur svo matseðillinn....reyni svo að kíkja bloggrúnt í kvöld, hef ekki haft tíma til þess undanfarið :/

Morgunmatur: 1 lgg og 1 léttjógúrt
Morgunkaffi: 1 kaffi, 2 lítil hrökkbrauð með osti og nokkrir ávaxtabitar.
Hádegismatur: Salat, brauðsneið með osti, nokkrar pastaslaufur og skinkubitar, 1 léttjógúrt.
Kaffitími: Ekkert
Kvöldmatur: 2 kínarúllur, hrísgrjón, salat og grjónagrautur með kanderel
Kvöldsnarl: Frosin léttjógúrt með niðurskornum ávöxtum.

2005-03-15T21:25:00.000Z

Fínasti dagur í dag, engar freistingar að bögga mig ;þ Er voðalega þreytt og ætla rétt að henda inn matseðli og fara svo að sofa :/ Enginn bloggrúntur í kvöld.

Morgunmatur: 1 lgg, 1 léttjógúrt
Morgunkaffi: 1 kaffibolli, 1 hrökkbrauð með osti og nokkrir ávaxtabitar
Hádegismatur: 1 brauðsn. með skinku og osti, salat með fetaosti og grjónagrautur með mjólk, rúsínum og smá kanilsykri (ca. 1 tsk)
Kaffitími: 1 og hálft fittýbrauð með osti og sykurl. sultu, te.
Kvöldmatur: Svínakjöt í sósu og kartöflur, salat.
Kvöldsmjatt: bökuð speltkaka(léttmajo, spelt og smá canderel) með bökuðu epli og kanil, sósa úr sýrðum rjóma með (10%)

Ég er bara ánægð með þennan dag, vigtin mín elskulega heldur áfram að mjakast niðurávið ;)

2005-03-14T17:26:00.000Z

Eftir erfiða helgi er ég komin aftur í gang ;) Laugardagurinn var nú allt í lagi en sunnudagurinn var erfiður enda allskonar kræsingar alveg við nefið á mér....en ég sosum missti mig ekkert í þeim málum þó svo ég hafi bragðað á ýmsu ;)

Ég hef verið svo rosalega spennt að prófa sojapönnukökurnar hennar gerrit en varð heldur betur fyrir vonbrigðum :( ....hlýt að hafa gert eitthvað vitlaust því þetta var eins og illa lyktandi svampur með smá eggjabragði :þ heheh...en ávextirnir og skyrið var mjög gott. Ég blandaði saman 25 gr af sojamjöli, 1/4 tsk matarsódi, 1 egg og 1 tsk sykurl. sýróp....bætti meira að segja smá vatni samanvið til að geta gert pönnuköku úr þessu. Þetta var annars svo þykkt. Hmmm...prófa kannski aftur seinna ;) gæti trúað að hún eigi ekki að vera svona þykk, hún var alveg hátt í 1 cm á þykkt. Hvað segið þið sem finnst þetta vera gott...er þetta ekki eitthvað vitlaust hjá mér bara?

Maður er búinn að verða sér úti um allskonar hráefni til þess að geta útbúið uppskriftir frá ykkur og mér finnst það svoooo spennandi...margar uppskriftir sem mig langar að smakka ;)

Best að kíkja bloggrúntinn og set svo matseðilinn inn í kvöld. (veit af nammiskál uppí skáp og er að rembast við að hemja mig svo ég fari ekki í hana :/ )

2005-03-12T08:10:00.000Z

88,9!!!!!!!!! :) Flott tala og ég að farast úr monti yfir henni, mér er búið að ganga svo vel þessa viku og allt hefur farið eftir áætlun. Ég ætla að halda áfram á þessari braut og passa vel að skemma ekkert fyrir mér núna um helgina. Hreyfingin hlýtur að vera á næsta leyti hjá mér og ég hef verið að spá í á hvaða tíma ég get skellt mér á hjólið. Þetta kort sem ég átti að fá í sporthúsinu er ekki enn komið og ég ætla að hringja eftir því á mánudaginn. Tíminn hjá mér er eitthvað svo ódrjúgur á daginn. Endalaust mörg verkefni sem bíða mín sem ég kemst aldrei yfir að klára ....fallast jafnvel bara hendur og geri ekki neitt ;þ

Ég er að hamast við að læra þessa dagana svo ég geti klárað þessa áfanga sem ég er í, verst að mér finnst þetta svo leiðinlegt að ég næstum geyspa golunni um leið og ég byrja að lesa :/ ....allavega annað fagið sem er efnafræði og eðlisfræði. Sýklafræðin er aðeins skárri en samt nenni ég þessu ekki.

Best að hætta þessu rausi og kíkja bara bloggrúntinn :)

2005-03-11T19:59:00.000Z

Jæja, fyrst síðasta færsla kom inn þá ætla ég að prófa hvort matseðillinn minn komist ekki inn líka ;)

Morgunmatur: 1 lgg og 1 léttjógúrt
Morgunkaffi: 1 kaffibolli, 2 lítil hrökkbrauð með osti og nokkrir ávaxtabitar
Hádegismatur: lambakjöt, kartöflur, soðið grænmeti og sykurl. gos
Kaffitími: 1 og hálft fittýbrauð með osti og sykurl. sultu, te
Kvöldmatur: lasagne ( tók í burtu mesta pastað) hálf brauðsneið og fullt af salati, sykurl. gos.
Kvöldsnarl: hlakka svo til að fá mér frosna léttjógúrt með ávaxtamixi ofaná í kvöld fyrir framan ædolið :)))

Allt hefur gengir vonum framar hjá mér og ég er spennt að setja tölu inn í fyrramálið!
Kíki bloggrúntinn þá ...hef frið til þess þá ;)

2005-03-11T19:56:00.000Z

Þetta er 4. tilraunin mín til að setja eitthvað inn á þetta blessaða blogg...er frekar þreytt á því hvað þetta virðist klikka oft :( ...nenni ekki að skrifa meira ef þessi skyldi ekki komast inn heldur ;)

2005-03-09T22:36:00.000Z

Þá er að henda matseðli dagsins inn....og fara svo að sofa ;)

Morgunmatur: Smá rest af léttjógúrt, 1 lgg.
Morgunkaffi: 1 bolli kaffi, 2 þunnar hrökkbrauð og 1 svona rískaka, man ekki hvað þetta heitir, eins og pressað popp ;þ
Hádegi: 2 fittíbrauðsneiðar með osti og sykurl. sultu, te.
Kaffitími: 1 bolli kaffi og 1 drykkjarskyr
Kvöldmatur: Fullt af salati og kjúklingabringa.
Kvöldhr.: Léttfryst léttjógúrt með nokkrum léttum niðurskornum ávöxtum ;) *slurp*

Millibiti: 4 low carb súkkulaðimolar.

2005-03-08T21:26:00.000Z

Þá er það matseðill dagsins :)

Morgunmatur: 1 LGG, 1 léttjógúrt
Morgunkaffi: 1-2 kaffibollar...ekkert annað því það var ekkert til nema terta :(
Hádegismatur: Fiskur bakaður í ofni með sólþurrkuðum tómötum, osti og grænmeti, salat.
Kaffitími: 2 hrökkbrauð með osti....mjóar og mjög þunnar hrökkbr.sneiðar, kaffi.
Kvöldmatur: 1 brauðsneið, eitt spælt egg, 1 kartafla og smá kjöt í sósu.
Kvöldhressing: niðurskorin vínber, jarðaber og banani með frosinni léttjógúrt....namminamm ;)
Enginn millibiti og drakk talsvert vatn í morgun, er að reyna að bæta mig í vatnsdeildinni.

Fínn dagur ekki satt? ;þ

2005-03-08T17:58:00.000Z

Ótrúlega mikið að gera eitthvað og lítill tími fyrir tölvustúss :/ En stóð mig vel í gær og það sem af er deginum í dag. Er núna meira segja sársvöng og bíð eftir kvöldmat. Ég var að skoða síðuna hjá Super-S og er eiginlega alveg heilluð af því hvað hún hefur staðið sig vel og ákvað að gefa henni stórt HRÓS fyrir árangurinn og fyrir góða bloggsíðu. Þú ert alveg rosalega dugleg skvísa! Auðvitað eru fullt af duglegum skvísum í átaki og eiga skilið hrós. Ég varð líka svolítið spennt fyrir þessum DDV kúr og er jafnvel að spá í að prófa....og fara þá á fundi og sonna. En ég er afar feimin ;þ og þori ekki alveg ein svo ég ætla að finna einhvern til að koma með mér. Allavega gengur hvorki né rekur á þessu matarræði sem ég er á núna og þegar svoleiðis er komið þá fer mann að skorta vilja til þess að halda áfram. Breytingar eru nauðsynlegar í þessari stöðu ;) *hugsimálið*

2005-03-07T13:08:00.000Z

Maður er nú bara ekkert að standa sig í skrifum hér....því síður í bloggrúnti. En nú er ég að bæta úr því og ætla að vera duglegri, bæði að skrifa hér inn og að skoða hjá ykkur skvísum. Það hefur verið mikið um að vera yfir helgina, ég fór á Broadway og sá sýninguna Með næstum allt á hreinu. Tónlistin í sýningunni er nottla bara geðveik og frammistaða söngvaranna mjög góð....en það sama er ekki hægt að segja um leikinn sem er spunninn í kringum sönginn. En ....það er sama þar sem tónlistin bætti það allt upp ;) Það var góður matur á boðstólnum og ég borðaði það alltsaman, og drakk hvítvín, rauðvín og bjór svo kaloríur þess dags verða ekkert taldar upp ;)

Nú og svo fór dagurinn í gær í að vera þunn og þá er oft erfitt að standast eitthvað gott að borða.

Í dag er hinsvegar annað uppi á teningnum og ég hef staðið mig mjöööög vel það sem af er dagsins og ætla nú bara að halda því áfram. Þetta á ekkert að vera neitt erfitt...ég get þetta vel.

2005-03-05T08:42:00.000Z

89,9 er tala dagsins, og ég er ekkert svo ósátt við hana miðað við hvað ég hef staðið mig illa síðustu tvær vikurnar. Það hefur verið óvenju erfitt að koma sér af stað aftur en ég held að ég sé bara öll að koma til aftur...ótrúlegt hvað maður getur verið erfitt að koma sér í gang :/ Nú er mig aftur farið að langa til að gera eitthvað í mínum málum :) Enda er svo gaman að vera með í blogghópnum ;)

2005-03-04T23:33:00.000Z

Jammogjá, kannski að maður haldi bara áfram hér, fyrst ég er ekkert betur sett með hina síðuna mína. Ég er líka miklu vanari þessu kerfi hér. Helst hefði ég viljað hafa bara mína eigin síðu með mínu eigin útliti en ég bara kann ekki að gera svoleiðis blogg....þó svo ég kunni alveg að gera flottar síður....eða mér finnst þær flottar ;)

Megrunarmál....hmm...stóð mig bara nokkuð vel í dag, borðaði helst til mikið í kvöldmatnum þar sem ég hafði ekkert borðað síðan í hádeginu og þrammaði kringluna þvera og endilanga...og mjóddina líka. Var í fataleiðangri en fann bara eiginlega ekki neitt :( Er á leiðinni á Broadway annaðkvöld með vinnunni minni að sjá Næstum allt á hreinu sýninguna.

Skrifa meira inn á morgun og kíki rúntinn :)

2005-03-03T16:30:00.000Z

Ég er flutt! Kíkið hér: http://blog.central.is/kiloinburt/

2005-03-02T14:53:00.000Z

Ég held bara að ég sé að hrökkva í gang aftur, sem betur fer! Vigtarræsknið var sæmilega gott í morgun og ég steig minnst 3svar á hana til að vera viss, um daginn steig ég nokkrum sinnum á hana og hún sýndi aldrei sömu töluna og hún sýndi allt að tveggja kílóa mun :/ ....þá fór mín í fýlu sko :þ En góða skapið er nú að koma aftur og ég hef staðið mig vel í dag og hef hugsað mér að gera það áfram. Matseðill og bloggrúntur í kvöld, er farin að sakna þess að kíkja ekki á ykkur skvísu ;) Takk fyrir öll kommentin.

2005-03-01T21:50:00.000Z

Oh...ég á eitthvað svo erfitt með að koma mér af stað aftur, er bara frekar kærulaus og leið yfir því hvað þetta er allt vonlaust hjá mér. Er samt með hugann við átakið og langar að koma mér af stað aftur. Það er bara þetta blessaða nart sem er að gera mig klikk núna, mig langar svo í eitthvað all the tæm : / Mér hefur tekist ágætlega upp fyrripart dagsins en svo eru kvöldin erfið. Reyni aftur á morgun því eins og ég hef sagt hundrað sinnum þá má maður ekki gefast upp.

2005-02-26T13:45:00.000Z

Jæja, best að hætta þessari fýlu og byrja aftur í átakinu, ekki vil ég fara í sömu sporin og ég var komin í. 90,0 sléttar var talan á vigtinni í morgun...og ég frekar fúl en samt ekki alveg eins fúl og um daginn ;) Jammogjá....verð að hreyfa mig meira og ætla galvösk á hjólið á eftir í hálftíma.

Kíki á bloggrúntinn í dag líka. Góða helgi dúllurnar mínar :)

2005-02-25T19:42:00.000Z

Ómæ hvað ég er leið á þessu blessaða átaki :( Það bara gerist ekki neitt þó svo ég telji mig vera að gera góða hluti, frekar þyngist ég *búhú* Ekkert alvarlega samt en þetta er eitthvað sem maður vill ekki sjá á vigtinni sinni. Dagarnir líða líka einhvernveginn þannig að ég hef ekki komist á hjólið mitt :/ Veit að maður á að geta gefið sér tíma en það hefur bara ekki tekist síðan á þriðjudag. Ég hringdi í dag til að athuga með kortið mitt í sporthúsinu sem ég átti að fá en það verður ekki sent út fyrr en í mars. Vona að mér takist að nýta mér það, ég er allavega vel heit fyrir því.

Jæja, ég er í fýlu yfir þessu átaki mínu og nenni ekki að skrifa meira hér inn....í bili. :þ

2005-02-23T20:25:00.000Z

Enn einn góður dagur.

Ég hef haft góða stjórn á málunum í dag fyrir utan kannski hreyfinguna, hún er engin og verður engin þar sem skottan mín er sofnuð og hjólið er í svefnherberginu. Ég reyndar gleymdi því seinnipartinn í dag að ég ætti eftir að hjóla og mundi það bara núna meðan ég var að lesa fyrir stelpuna. Verð að bæta úr því á morgun því þetta gengur ekkert nema ég bæti hreyfingunni inní. Ég var ágætlega ánægð með vigtina í morgun og vona að mér takist að ná henni meira niður fyrir laugardag :)

Matseðillinn var svona:

Morgunmatur: 1 LGG, 1 drykkjarskyr (blá)
Morgunkaffi: 1 kaffibolli, 1 hrökkbrauð með osti, 1 pera og smá epli, vínber og banani.
Hádegismatur: Nautahakk, smá spaghettí og salat
Kaffitími: Búst
Kvöldmatur: Biximatur( kartöfluteningar, laukur og kjötteningar steikt á pönnu) og steikt grænmeti....setti smá matreiðslurjóma útá. Matreiðslurjóminn er 15% feitur.
Millibiti: smá svona hnetunasl.
Ef ég fæ mér eitthvað í kvöld þá verður það sennilega jógúrt eða eitthvað létt. Langar samt rosalega í eitthvað gott :/

2005-02-22T21:26:00.000Z

Ég er svo ánægð með daginn í dag :)

Matseðill:
Morgunmatur: 1 drykkjarskyr
Morgunkaffi: 1 hrökkbrauð með osti, eplabiti og kaffi
Hádegi: Léttsteikt grænmeti, aspastartaletta, hálf brauðsneið og salat
Kaffitími: Búst
Kvöldmatur: 2 kjúklingavængir og 1 læri, nokkrir bakaðir kartöflubátar.
Kvöldhressing: 1 glas fjörmjólk og seinni helmingurinn af lowcarbsúkkulaðinu mínu, eitt glas greipsafi.

Hreyfing: 30....já 30! mínútúr á hjólinu góða ;)

2005-02-22T15:40:00.000Z

Ég var ekki sátt við vigtoríu í morgun, finnst hún ósanngjörn. Ég á alveg skilið að hún mjakist niðurávið í staðinn fyrir uppávið...ég hjakka í sama farinu. Nú ætla ég að nota tækifærið og skella mér á hjólið í smá stund...veit að þar liggur hundurinn grafinn...ef ég ætla að léttast þá verð ég að hreyfa mig. Matarræðið er komið vel á veg og næsta skref er að hreyfa sig reglulega. Á ekki von á að það verði auðvelt skref þar sem ég er snillingur í að finna mér eitthvað annað að gera.

Ég fór áðan í búð og keypti mér buxur og bol....númeri minna en ég nota núna, fötin mín eru frekar rúm á mig og nýju buxurnar eru í þrengra lagi, en allt í lagi samt ;) Ég ætla líka að fá mér föt þegar ég næ 88 kg takmarkinu ;)

Kv. Bryndís fatakaupakona....sem fer senn minnkandi :þ

2005-02-21T22:18:00.000Z

Jæja, þá er það matseðillinn.

Morgunmatur: 1 LGG, 1 léttjógúrt með 1 tsk hafraklíði
Morgunhressing: 1 hrökkbrauð með osti, 1 pera og kaffibolli
Hádegismatur: Ofnbakaður fiskur, kartöflustappa og salat
Kaffitími: Búst
Kvöldmatur: Pönnusteiktur fiskur, soðnar gulrætur og kartöflur, smá grænmetissósa með.
Kvölssnarl: 6-7 súkkulaðihúðaðar hnetur og smá lowcarb súkkulaði....ca hálft og 1 glas fjörmjólk.

Engin hreyfing í dag :( ...er öll að vilja gerð að fara á hjólið en það gafst ekki tími til. Ég finn alveg hvað allt gengur betur ef ég fer á hjólið og manni líður svo vel á eftir. ´

Ég var eitthvað að reyna að kíkja bloggrúntinn en vefurinn er eitthvað svo seinn að ég held að é fresti því bara til morguns...er að spá í að koma mér bara í bólið :)

2005-02-21T15:57:00.000Z

Allt í gúddí, er búin að standa mig eins og hetja :) Er staðráðin í að standa mig vel og ná árangri. Hætt að nenna að dútla alltaf í sömu þyngdinni í óratíma. Helgin var samt frekar erfið og mig langaði rosalega í eitthvað nammigott. Varð að berjast hverja mínútu til að falla ekki ;) Það var ekkert um hreyfingu í gær, dagurinn bara einhvernveginn leið þannig að ég gaf mér ekki tíma til þess. ....jaaa...ég reyndar fór í Smáralindina og labbaði þar um, tók upp veskið af og til ;) ....það má kannski telja það sem einhverja hreyfingu ;) hehe. Alltaf gaman. Fór líka í bíó í gærkvöldi og sá Meet the Fockers...geggjuð mynd ;)

Set inn matseðil í kvöld.

2005-02-19T19:44:00.000Z

Fjúff...erfiður dagur :/ En ég er sko búin að standa mig vel þrátt fyrir ýmsar freistingar.
Ég gerði leikfimi eftir fitubrennsluprógrammi á spólu sem ég á, ekki samt allan þáttinn því þá hefði ég bara drepist. Ég var í ca. 10 mínútur að sprikla og svo fór ég á hjólið í 10 mín, það rann alveg af mér svitinn. Eftir leikfimina í gær hef ég fundið fyrir harðsperrum og býst ekki við að komast fram úr rúminu á morgun eftir sprikl dagsins.

Matseðill dagsins:

Morgunmatur: 1 lgg, 1 glas greipsafi, súrmjólk með hveitiklíði og banana
Hádegismatur: Smá salat, cheerios með fjörmjólk og smá canderel, babycarrots, te og drykkjarskyr...var mjög svöng og átti erfitt með að fá mér ekki afgang af pizzunni síðan í gær ;)
Kaffitími: Haframjölsgóðgæti ...á ekki til þetta hafraklíði svo ég notaði bara haframjöl, te og greipsafi
Kvöldmatur: gratíneraður plokkfiskur a la pabbi, tómatur og vatn.
Millibiti: Smá hnetu-fræ-rúsínusnakk og 3 sykurlausir brjóstsykrar.
Ef ég fæ mér eitthvað í kvöld þá verður það skyr.

Stóðst það í dag að fá mér sætabrauð með kaffinu sem var á boðstólnum ;) *klappiklappfyrirmér*

Svo hef ég dekrað smá við mig í dag, fór í gott bað ....geri það reyndar reglulega en þetta var hálfgert dekurbað....fór svo í nuddstólinn hjá pabba og mömmu og lét fara vel um mig ;)

Góða helgi öllsömul :)

2005-02-19T08:47:00.000Z

Vigtin húrrast niður á ný. Ég þyngdist talsvert í síðustu viku enda kemst maður ekkert upp með að gúffa í sig kökum. Ég er alltaf í því að skemma fyrir mér um helgar. Núna ætla ég að hafa þessa helgardaga eins og ég hef virkan dag. Vigtin í morgun sýndi 89,8 og það er 400 gr. meira en um síðustu helgi :/

Ég ætlaði að vera svakalega dugleg að hreyfa mig í gær og setti í fitubrennsluspólu sem ég á og við skotta litla byrjuðum að sprikla. Ég var búin að fara í strigaskó og þegar hún fattaði það þá fór hún og sótti kuldastígvélin sín hehe :) Svo hringdi síminn og það var kjaftað í klukkutíma og eftir það var kominn kvöldmatur og enginn tími fyrir hreyfingu :/ Við skotta ætlum að prófa aftur á eftir :) Eitthvað hefur nú þessi smá hreyfing haft áhrif í gær því ég er með harðsperrur ;)

Í gær var matseðillinn svona:

Morgunmatur: 1 Lgg, 1 léttjógúrt
Morgunkaffi: 1 kaffibolli og hrökkbrauð með osti
Hádegismatur: Búrríta með hakki og grænmeti
Kaffitími: Búst og 1 glas greipsafi
Kvöldmatur: 1 og hálf sneið pizza.
Kvöldhressing: 1 glas greipsafi.
Millibiti: 3 sykurl. súkkulaðibitar.

2005-02-17T22:23:00.000Z

Ég er eitthvað svo aum í rassinum, eins og það hafi verið sparkað í hann ;) thíhí. Eins gott að standa sig sko. Í dag hef ég líka hugsað mikið um átakið mitt og hverju það hefur skilað mér. Það er ekki mikill árangur þó hann sé jú einhver, enda er ég ekki nógu staðföst í því sem ég er að gera. Nú ætla ég að bæta úr því. Næsta vika, byrjar á morgun, verður hörkuvika í átakinu mínu. Ég er harðákveðin í að standa mig alveg þessa viku, bæði í mat og hreyfingu.

Það er mikil breyting samt sem áður sem hefur orðið þessa undanfarna mánuði eftir að ég byrjaði í átakinu mínu, matarræðið er gjörbreytt og það hefur orðið hugarfarsbreyting. Ég er svo miklu meðvitaðri um það sem ég læt ofaní mig og spái miklu meira í að borða hollan mat. Einhverstaðar las ég svo frábæra setningu sem ég hef ákveðið að fara eftir.

Ef þú hefur ekki tíma fyrir heilsuna í dag þá hefur heilsan ekki tíma fyrir þig á morgun. Frábær setning og svo sönn. Mig langar ekki til að skemma í mér magann, liðina eða æðakerfið. Mig langar svo í flott föt og vera gella ;) Mig langar líka til að vera óþreytt og úthaldsmeiri. Svo ég þarf að taka mig á og standa mig vel. Í apríl er komið eitt ár síðan ég byrjaði að blogga hér og það eru rétt tæp 5 kíló farin....ég hef tvo mánuði til að hækka þá tölu eitthvað og verða sátt við ársárangurninn. Ég hef trú á því að með því að léttast hægt þá verði það varanlegt.

Annars hef ég bara staðið mig mjög vel í dag.

Morgunmatur: 1 LGG, 1 drykkjarskyr.is m. vanillubr.
Morgunhressing: 1 hrökkbrauð með osti og 1 kaffibolli.
Hádegismatur: 1 skál súrmjólk með banana og hveitiklíði, te, slatti af hnetumixi.
Kaffitími: slatti af baby gulrótum
Kvöldmatur: kjúklingabringa með skinku og osti og smá rjómasósu ( 15% rjómi)
Kvöldhressing: bakaðar eplaskífur og rúsínur, smá sýróp og crémefine. Sýrópið er eitthvað svona náttúrulegt dæmi.

Ég kemst því miður ekki bloggrúntinn fyrr en á morgun :/

Hafið það gott gellur :)

2005-02-16T22:32:00.000Z

Fínn dagur, svona að mestu leyti. Kvöldmaturinn var kannski frekar óæskilegur en ég borðaði hann samt, ekki alveg nógu stabíl :þ Stóð mig samt mjög vel framan af deginum og er harðákveðin í að gefast ekkert upp....að sjálfsögðu.

Heilsufarið er allt að koma hjá prinsipessunni ;)

Matseðillinn hljóðar svona:

Morgunmatur: 1 LGG, og 1 léttjógúrt með einni tsk af hveitiklíði
Morgunhressing: 1 hrökkbrauð með osti og kaffi
Hádegi: 1 ristuð brauðsneið með osti, te og svona hafraklíðisgóðgæti, nema mitt var með hveitiklíði, sem ég var ekki viss á hvort væri það sama, en er nokkuð viss um að það er ekki það sama ;)
Kaffitími: Búst
Kvöldmatur: Grillaður kjúklingur og franskar, smá kokteilsósa ....jájá...ég veit að þetta er bannað :/
Kvöldsnarl: 1 glas greipsafi.

2005-02-15T19:18:00.000Z

Ég er bara ánægð með daginn í dag :) Allavega matarlega séð. Hinsvegar eru veikindi, litla skvís er lasin :/ og við á leiðinni til læknis í kvöld á barnalæknavaktina.

En dagurinn var svona:

Morgunmatur: 1 lgg og skyrdrykkur.is
Morgunhressing: 1 kaffibolli, 1 hrökkbrauð með osti
Hádegismatur: Súrmjólk með hveitiklíði og banana, smá hnetumix á eftir.
Kaffitími: Búst
Kvöldmatur: Biximatur (kjöt, kartöflur og laukur steikt á pönnu) Borðaði ekki mikið af þessu og ef ég þarf á hressingu að halda í kvöld þá fæ ég mér væntanlega 1 léttjógúrt.

Engin hreyfing í dag þar sem það er einfaldlega enginn friður til þess.

2005-02-14T22:51:00.000Z

Ég gleymdi næstum því að setja inn matseðilinn, ég sem er að reyna að bæta mig í því ;)

Morgunmatur: 1 LGG, 1 drykkjarskyr (blá....af því að hún inniheldur fæst kolvetni af þessum drykkjum)
Morgunhressing: 1 kaffibolli og eitt hrökkbrauð með osti og sykurl. sultu, 2 eplabátar.
Hádegi: Grænmetislasagne, salat og ein brauðsneið.
Kaffitími: 1 glas léttmjólk og eitthvað sætabrauð sem alls ekki átti að fara inn fyrir mínar varir :/
Kvöldmatur: Lambakjöt og ofnbakaðar franskar, nokkur strá bara.
Kvöldsnarl: Hnetu-rúsínu-fræmix ...ca 2-3 lúkur.

2005-02-14T21:26:00.000Z

Erfið matarhelgi er að baki og alvaran tekin við ;) Hef staðið mig ágætlega í dag og fór meira að segja á hjólið í 20 mín :) Ég átti samt rosalega erfitt eitthvað með að koma mér af stað, ég er svo kvefuð og eitthvað ómöguleg núna :/ Tókst að detta í tröppunum hér úti í morgun *áts* Lenti á rassinum, sem er svo mjúkur að honum varð ekkert meint af ;) En handleggurinn minn varð einhvernvegin undir og ég meiddi mig í öxlinni og í höndinni. Sem betur fer samt ekkert alvarlega ;) Ég er svooo fegin að komast í gang aftur og finn að mér líður svo vel þegar ég borða hollt og reglulega. Nú er um að gera að keppast við að ná 88 kg svo ég geti farið að kaupa mér föt ;)

2005-02-12T07:51:00.000Z

89,4 Jibbí :) Bjóst reyndar við lægri tölu þar sem ég fékk 89,3 í gær og stóð mig svoooo vel í gær, en svona er þetta bara, alveg týpískt ég, þyngist oft smá þó svo ég hafi verið dugleg svo dettur vigtin niður seinna. Það er allavega farið hálft kíló þessa vikuna og það er bara mjög fínt. Maður er bara svo gráðugur og vill losna við mikið strax ;) Ég veit samt vel að það er best fyrir líkamann að þetta gerist hægt og rólega.

Ég fór ekkert á hjólið í gær þar sem ég var að spássera um í Smáralindinni seinnipartinn í gær og var bara alveg búin eftir það ;/ Stefni á að skella mér í dag í staðinn ;)

Nú vantar bara 400 gr. uppá að ég fari að kaupa mér föt. Ég reyndar stalst í gær til að kaupa mér leðurhanska...rosa fínir með kanínuskinni inní og svo bol. Mig vantar svo boli til að vinna í og sá einn fínan í Debenhams. Mikið er nú erfitt að versla í Debenhams, allt einhvernvegin út um allt og kvennadeildin er verst, hálf draslaraleg finnst mér. En það er margt fínt þar samt. Svo var ég um daginn að skoða á Victoria Secret síðunni og sá svaka fína boli og náttföt sem mig langar í. Það getur bara vel farið svo að ég panti mér ;)

2005-02-11T15:20:00.000Z

Allt í gúddí hér. Vigtoría er skemmtileg þessa dagana og hefur komið mér á óvart. Kem ykkur vonandi á óvart á morgun ;) Verst að framundan er stór afmælishelgi, maðurinn minn verður 45 ára á morgun og sonur okkar 13 ára á sunnudag svo ég býst alveg við einhverju kökukjamsi hér. En það verður bara að hafa það, ég held bara ótrauð áfram eftir það. Og nottla reyni að hemja mig ;)

Ég fór ekkert á hjólið í gær, var að byrja á túr og var bara eitthvað svo þreytt, ég er alltaf hálfómöguleg í skrokknum þegar ég byrja. En ég skelli mér í kvöld :)

Mér finnst rosalega gott að japla á þessu hnetu-rúsínu-fræmixi sem ég keypti um daginn í Nettó. Passa mig að borða ekkert mikið en fæ mér ef mig langar í eitthvað, ásamt því að fá mér 1-2 sykurlausa súkkulaðibita.

Best að kíkja bloggrúntinn, það er hálf erfitt að komast að tölvunni þessa dagana þar sem strákarnir eru á kafi í einhverjum tölvuleik, eða aðallega sá elsti bara. Það er sosum í lagi, maður gerir þá eitthvað af viti á meðan ;)

2005-02-10T07:39:00.000Z

Skellti mér á hjólið í gær og var í 20 mínutur. Með fína tónlist svo tíminn leið helmingi hraðar. Ég ætla að halda mig við 20 mín. í einhverja daga meðan maður er aðeins að venjast svo eyk ég tímann.

Matseðill gærdagsins var svona:

Morgunmatur: skyr.is drykkur (blár), 1 LGG,
Kaffitími: 1 hrökkbrauð með osti og sykurl. sultu, kaffi og nokkrir bitar af ávöxtum
Hádegi: Búst (nú nota ég hreint skyr) og smá harðfiskbitit ....á ekki beint saman :þ
Kaffitími: 2 ristaðar brauðsneiðar með osti og te
Kvöldmatur: Kjúklingasúpa og 1 hálf brauðbolla
Kvöldsnarl: Hnetu-rúsínu-fræ blanda ....ca einn bolli.

2005-02-09T17:22:00.000Z

Ég er sko búin að standa mig mjööööög vel :) Bollu- og baunasúpuát hefur ekki haft mikið að segja því talan mín er súperfín í dag :) Ef mér tekst að vera áfram dugleg, sem er að sjálfsögðu stefnan þá kemur bara glæný tala á laugardaginn. *hlakkitil*

Og ég sé fram á að komast á hjólið á eftir, hef verið að hjálpa mömmu að passa lítinn frænda og þess vegna ekki komist fyrr, líka það að hjólið er staðsett inni í svefnherbergi og ég get þar af leiðandi ekki hjólað á kvöldin og ekki snemma á morgnana, og ekki með stelpuna yfir mér....hún er bara í hættu þá ;) Auk þess sem athyglin mín er þá á henni en ekki hjóleríinu. Svo ég er ekkert að koma mér undan, get varla beðið eftir að hjólast með skemmtilega músssík í eyrnunum ;)

Nú skal ég koma með matseðil í kvöld.

2005-02-08T21:55:00.000Z

Úff púff...mikið að gera þessa dagana, og erfitt að standast bollur og sprengidagsmat :/ Þarf sko að taka mig vel á ef ég ætla að ná takmarkinu mínu í maí! Hef ekki haft tækifæri til þess að skröltast á gönguhjólið mitt með nýja spilarann, vona að það takist á morgun því nú fer vonandi allt að róast eftir morgundaginn.

Kíki bloggrúntinn á morgun, ótrúlegt hvað maður hugsar nú mikið til ykkar skvísur ;) Þið eruð alveg ómissandi.

2005-02-06T10:04:00.000Z

Nýr dagur og heilsan orðin góð :) Vigtin er líka góð. Og matarræðið skal líka vera hollt og gott í dag. Ég ætla að skella mér á einn mp3 spilara í dag svo ég hafi mína tónlist þegar ég fer á hjólið mitt og þegar ég fer í sporthúsið. Strákurinn minn keypti sér svoleiðis í gær og þetta er þvílík snilld. Mér fannst nú það besta að pabbi minn sem er nánast heyrnarlaus, heyrir bara smá með öðru eyranu ef hann notar heyrnartæki, hann gat hlustað á tónlist úr þessum spilara. Hann hefur ekki heyrt tónlist í mööööörg ár. Ég hlakka svo til að leyfa honum að hlusta á einhver lög sem hann hefur gaman af. Hann er nefnilega mikill tónlistarmaður, söng og spilaði mikið, sem hann hefur ekki getað í fleiri ár :/ Nóg um það :)

Það er þetta með matseðilinn. Skrifa hann inn í kvöld. Verð að bæta mig í þeim efnum.

2005-02-05T08:44:00.000Z

89,9 :) .... var samt minna í gær, þá sýndi vigtin 89,4. Átti samt alveg von á að vigtin færi upp þar sem þetta er bara vökvatap. Vona að ég fari ekki meira upp núna, ætla að passa það vel. Hef verið í smá vandræðum með hvað ég ætti að borða meðan maginn kemst í lag, vil helst ekki borða mikið grænmeti eða skyr. En ég held að ég sé orðin góð núna svo ég geti farið á mitt venjulega matarræði.

Á miðvikudag og fimmtudag sl. var ég rosa dugleg á gönguhjólinu mínu, var í 17 mín. fyrri daginn og í 20 mín. seinni daginn. Ég reyni að fara í dag aftur.

2005-02-04T23:21:00.000Z

Takk fyrir fallegar kveðjur essku keddlingarnar mínar :)

Ég er öll miklu betri þó svo maginn sé kannski ekki alveg upp á sig besta. Ég var eitthvað svo einkennileg í vinnunni í gær, smá illt í maganum af og til og svo skelfing slæm í bakinu og handleggjunum...og að farast úr kulda...áttaði mig ekki á því fyrr en eftir hádegið að ég væri nú bara komin með bullandi hita og svo urðu klósettferðirnar ansi tíðar á tímabili. En þetta er að mestu að baki...sem betur fer. Ég þoli ekki að hringja í vinnuna og segjast vera veik :( Kannski vegna þess að ég veit alveg hvernig er talað um þær sem eru veikar heima :( Glatað.

Ég hef nú ekki borðað neitt sérstaklega mikið og þá aðallega bollasúpur og ristað brauð. Og drukkið tab og te. Vigtin verður sennilega vinkona mín á morgun :) Eitthvað gott við þetta. Vona að mér takist svo að halda vigtinni á þessari leið áfram. Tölur og bloggrúntur í fyrramálið :)

Góða nótt!

2005-02-04T08:19:00.000Z

Góð leið til að léttast.....

....niðurgangur og hiti :/

2005-02-02T13:37:00.000Z

Ég var alveg að verða búin að skrifa hér inn í gærkvöldi þegar litla skottan mín kom og ýtti á einhvern takka á lyklaborðin og það hreinlega slökknaði á tölvunni, mér til mikillar gremju :þ ...óþekktargrisligurinn...var alveg búin að fá nóg af tölvusetu móðurinnar.

En...það sem er helst er að ég hef bara staðið mig nokkuð vel...meira að segja búin að fara á tækið mitt tvo daga í röð...fyrst í 10 mín og svo í 17 mín....stefni á 20-25 mín í dag. Vigtoría og ég erum bara nokkuð sáttar við hvor aðra núna svo ég er hætt við að henda henni út í bili.

Elsti minn tók upp á því í gær að baka súkkulaðiköku....sem rann ansi ljúflega niður í minn maga :/ ...vona að ég hafi nú brennt henni af mér í gær. Æi..maður verður einstaka sinnum að leyfa sér eitthvað skemmtilegt. Það var skemmtileg stund hér hjá okkur meðan hann var að baka og svo að borða kökuna saman ;) Alveg þess virði.

Reyni að koma matseðli hér inn í kvöld og nú kíki ég á ykkur skvísur, hef bara varla kíkt síðan fyrir helgi :/ *sakn*